قصيدة "وحيد"

الواحد نَحّسْ بس متعوِدش ، *هعتبره عادى وانى مبجوِدش* كل اللى حاصل تم امتى وفين و ليه
أنا للأسف
 معرفش.
دخان سجايرى بالسهر فى البلكونات
مع كل شيء معرفتش أوصلُه زى الفرح والنوم ..
أو زيه هوّ
أو زى العياط
او زَن فكرة "كُل شيء ماضي"
والماضى ايه غير بس "انسِي" و "فات"؟
على ان نُص صحابى مشيوا
*او همشي لسة*
أو انى مش عارفة لا اخلّص م الوشوش..ولا م الزعيق
ولا م الفَزَع والصوت بـ همسَة
 او *إعتقاداً* كل ده خلّانى *مش حاسة*
العالم إسود من عندى ، وانا مش محتاجة النور .. عادى
إن *الجميل* مفقود ، وان *الأمان* محدود ، وانى بهِد سدود *فيسِدوا ماقُصادى*
وان الزعل مش حلو ، ولكُنه مش أوحش أكيد
 من إن كونك تبقى "شيء فاضى".
#سارة_حسن
قصيدة "وحيد"